文章
近來有好幾次，我就面臨了足球vs電影的選擇 ...
話說電影節期間，我發現其中一套訂購了的電影《紅菱艷》The Red Shoes(Michael Powell, Emeric Pressburger,1948)與曼聯大戰車路士的球賽撞期(實為非戰之罪也! 電影節的票在一個月前預購，而英超大部份賽程的日期雖然是預早編配，但會受球隊的盃賽影響而延期，當日的比賽時間亦會在較後階段才揭曉，以便利電視轉播~)
頂! 教我如何選擇? 一邊是馬田史高西斯口中的經典，但我家中已有影碟；一邊是決定今屆英超賽事的最重要比賽......最後，當然是電影取勝了，一想到有在大銀幕看這套被譽為最美麗彩色電影的機會，追看英超近一年的努力還屬其次!
看完《紅》片，腦中浮現是『偉大』兩字，但未定完神就要由文化中心直跑到尖沙咀的酒吧區，如我所料，所有酒吧都爆滿，再也迫不進去。正要折返時卻發現遠處有大堆不同國籍的波友站在馬路邊『偷看』面前酒吧內的大電視轉播。這就是了! 雖然要比大雨淋比司機boo，總算看到最後30分鐘。雖然賽果很壞，但心情不賴!
其後再有一次《鄰家的八重》(島津保次郎，1934)vs利記對車仔的埋牙較量，當然最後也是八重打低林八。
兩套電影都好得沒話說，兩場賽果都壞得冇野講，今屆英超冠軍呼之欲出。我現在已開始展望世界盃，希望到時不要再有電影攔路，因為我的選擇已經很清楚了。
10 則留言:
嘩, 好似.
足球是男人芭蕾?
哈哈，那天我約了朋友在北角的茶餐廳睇，睇完《Red Shoes》即刻趕去，幸好還能看下半場，都算好啦。咦？原來你也有看《鄰家之八重》？當晚我和 Agnes 和你同場啊﹗緣慳一面呢﹗
to Agnes,
某些足球員會『插水』，那時放軟身體，就最有跳芭蕾的感覺
to HoraceChan
你朋友霸定位?我搵哂尖東都冇位...
我通常係熄燈時入場，一完場就急步閃人。我睇戲好多時都係踢對拖鞋頭髮一舊舊，真係唔想比人叫住，但我認得Agnes的，如我見到她我會打招呼!
回一回Agnes,有一荷蘭球星雲巴士頓是跳芭蕾舞出身的,他是僅有一個足球員可以將芭蕾舞的優雅元素,注入足球的動感澎湃之中.
回夢兄,今年我長期不在觀影狀態,所以睇波多過睇戲.電影節就更加因為遲去買票而誤了事,當中大都會和紅鞋菱更是售罄而無緣朝拜.
說回足球,今屆各大聯賽真是混帳得很,尤其是英超,季初阿仙奴給人海蜃樓的希望(的確相當非常悅目).跑到直路,每隊也嚴重走樣失色(造就第四之爭?),曼聯食老本一味靠運(歐聯就一鋪還清?)hea到最後一口氣,車路士雖則整體平均,但就水準更遜色過其他球隊,亦唔得穩定(所以我未敢肯定佢捧梗個盃架,畢竟上round韋根贏過佢).就算曼車其中一方奪冠,都會係英超史上最欠公信力,最欠說服力,最欠冠軍相的聯賽冠軍呢!!
阿夢我已經唔記得左你個樣, 你見到我真係要打聲招呼呀!!!
to Agnes,
好呀，不過以我摸黑潛入的觀影習慣都比較難碰面了......
to 毅人,
我起初都捧阿仙奴的，後來佢脫腳先改為捧曼聯(純粹唔想車仔拎冠軍)；今年的冠軍分數好低，如果比較西甲頭兩位都已經破左得分紀錄(個紀錄仲要係22隊時創的)，你就知公信力真係唔足夠。點夠紐卡素拎英冠咁有力呢hahaha
點解唔見得光呢?
咁我又寧願車仔捧冠軍,畢竟曼聯已經三連霸,再咁落去,其他球隊既擁躉都冇心機睇波(好似今季既利記咁),影響個球市.加上,車仔目前既陣容主力,可能踢埋呢季就四散,當係臨別既安慰.
至於紐卡素,留待下屆持觀望態度啦,免得又再次失望.
to Agnes
我響屋企都係拉哂窗廉的^^
to 毅人
紐卡素下季留級就可以了，講真熱刺維拉曼城下年都仲審慎樂觀，個歐霸位爭都無謂，所以對下季紐卡素冇咩期望
阿夢, 我住酒店都喜歡拉哂窗廉黑麻麻訓覺. 係屋企就唔會了.
發佈留言